හැඳින්වීම

අසමි දකිමි සොයමි වර්ඩ්ප්‍රෙස් බ්ලොග් අඩවියට සමගාමීව ප්‍රකාශයට පත්කෙරේ

28 April 2016

ඉස් ඉස්සෙල්ලම හිටං කිව්වේ කවුද හිටං

   අම්මපා මේ හිටං කියන එක, මෑත කාලයේ ඉඳලා අපිට එකතුවුන යෙදුමක් කියලා හිටං, පෙනෙන්න තියනවා. නමුත් මේ හිටං කියන එක, සෑහෙන තරම් අතීතයක ඉඳලා හිටං,  අපේ රාජ රාජ මහාමාත්‍යාදීන් විසින්, පාවිච්චි කොරලා තියනවා හිටං කියලා, මම මේ මෑතකදී තේරුම් ගත්තා හිටං. දැන් බළනකොට මේ හිටං කියන එක කිසිම අවුලක් නැති යෙදුමක් කියලා හිටං තේරෙන්නේ දැනුයි හිටං. මේ හිටං කියන යෙදුම, අපේ ජන නායකයන් විසින්, මීට අවුරුදු හැට හැත්තෑවකට උඩදිත් පාවිච්චි කොරලා තියනවා කියලා හිටං, ඔහෙලා බොහොමයක් දන්නේ නැතුව ඇති හිටං. ඉතිං අප්පා, කාටද තංතෝස කියලා මං අහන්නේ හිටං. මෙව්වා අපේ සඟිස්කුරුතියේ, පරණ කියමන් කියලා දැනුයි ඕං තේරෙන්නේ හිටං. 

   අපේ වර්තමාන ජනාධිපතිතුමා, හිටං කියනවා කියලා හිටං, හුඟක් දෙනෙක්,  අරවා මෙව්වා කියනවා හිටං. ඒ උනාට, එතුමාටත් කලින් හිටං, හිටං කියන යෙදුම පාවිච්චි කල උත්තමයෝ හිටියා කියලා හිටං, ඔහෙලා දැනගන්නවා හොඳයි හිටං. මං මෙව්වා කිව්වට විස්වාස නැත්තං හිටං, ඔන්න ඔය පහලින් තියන, තප්පර 35 ක් විතරක් යන වීඩියෝ එක, බලනවා හොඳයි හිටං. කොම්පීතරේ ළඟ හිටගෙන හිටං. 




   ඕං බලනවාලා හිටං, ජාතියේ පියා කියලා කියන උත්තමයා හිටං, මේ හිටං කියන එක කියලා තියනවා හිටං. හැක්, ඉතිං කියනවලකෝ හිටං, දැං ඔහෙලා මොකද කියන්නේ හිටං?

2016 අප්‍රේල් මස 27 වැනි දින 2354 පැය

71 comments :

  1. ඇහෙන්ඩ ස්පීකර් සෙට් නෑ හිටං...කොහොම උණත් අපේ ජනාධිපති තුමා වාසනාවන්තයි වගේ...මොකෝ දැන් තනි නෑනෙ..උන්නැහේටත් ඕකෙ ලිංකුවක් දැම්මනං හරි

    ReplyDelete
    Replies
    1. ඇහෙන්ඩ ස්පීකර් නෑ, බලන්න යූ බටේ නෑ. ඉතිං කොහොමෙයි දං වළඳන්නෙ?

      Delete
    2. @ වැව් ඉස්මත්ත. ඇයි අප්පොච්චියේ තමුන්නැහේගේ ජංගම පෝන් එක හෙවත් මොබයිල් දුරකතනයේ හැඩ් සැට් එක ගසන්න බැරිද ගොම්පීතෙරේට?

      @ රාජ්, අනේද කියන්නේ.

      Delete
    3. අප්පද බොල එහෙමත් එකක්ද

      Delete
  2. අෆ්ෆට බොල හිටං ....ඒකාලේ ඉදන් හිටං

    ReplyDelete
    Replies
    1. එහෙනං එහෙනං, බලන්ටකෝ හිටං, මෙව්වා කොච්චර පරණ කියමන් ද කියලා හිටං.

      Delete
  3. මං අද උදේ කියවමින් ආ ගුණදාස ලියනගේ ලියූ ගමන නොනිමෙයි යන දේශපාලන වාර්තා කතාවේ ඩීඑස් ගේ කතාවක ඔය බව දැක්කා!

    ReplyDelete
    Replies
    1. පොත කියවල ඉවර උනාද...
      පොත කියවල ඉවර උනාම මහ අපුලක් දැනුනා අතීතය රිපීට් වෙන ගතියක් දැනිලා...

      Delete
    2. @ රසිකොලොජිස්ට්. ගුණදාස ලියනගේ ඒ පොතෙන් අපේ දේශපාලන ඉතිහාසයේ සෑහෙන පැතිකඩක් පෙන්වනවා.

      මම හිතන්නේ මේ හිටං කෑල්ල මෛත්‍රීපාල මහතා කියනවිට විශේෂයෙන් කැපී පෙනීමක් සිදුවුනා කියලයි.

      Delete
  4. This is the first time I heard DS 's voice

    ReplyDelete
  5. එතකොට හිටං කියන්නෙ නෙ පේමස් කතාවක් ඈ
    හොදයි හොඳයි
    ිහිහි

    ReplyDelete
    Replies
    1. පේනවා නේද හිටං. අපි නොදන්නා කාලයේ හිටං මෙව්වා තිබිලා තියනවා හිටං.

      Delete
  6. ඕන්න දැං බය නැතුව අපිටත් ඒක කිව්වැකි හිටං. නැත්තං එතුමටම Trade mark කියලනෙ හිතුවෙ හිටං.

    ReplyDelete
    Replies
    1. ඒකනේ කියන්නේ හිටං. සමහරු මේ හිටං කියන එක මෛත්‍රී මහත්තයාගේ ජීවිත බුත්තියට සවි කරන්න නේ හැදුවේ හිටං.

      Delete
  7. මාත් ඔය කතාව අහලත් තියෙනවා. ඒත් අවධානය යොමු උනේ නැහැ.. හැක් ජය

    කොම්පැණිකාරයෝ හිතන දේවල් හිටං.. හැක්

    ReplyDelete
    Replies
    1. අවධානයට යොමු නොවෙච්ච කතා තියනවා හිටං. ඉස්සර අපේ මුදල් අමතිතුමකුව සිටි ඇන්. ඇම්. පෙරේරා මහතා, යම්කිසි දෙයක් අවසන් වෙනවා කියන එකට කිව්වේ, 'කම්මුතු වෙනවා' කියලා 'හිටං'

      කොම්පැනි කාරයෝ වැඩිය හිතන්නේ නෑ හිටං.

      Delete
  8. හිටං දැන් හිටං නැලු..
    ඉදං
    පත්තරේ බලනවලු !

    ReplyDelete
    Replies
    1. අපිවත් ගොහිල්ලා, සිටින්, ඉඳින්, අත් ඔසවන්, පහත හෙලන්, කියලා එමුද හිටං.

      Delete
  9. මම ඔය වීඩියෝ එක කලින් බලල තියෙනවා, ඒකෙ සහ දැන් ඉන්න හිටන් කතා කරද්දී හිටං කියන එක මට එච්චර අවුලක් උනේ නැත්තේ මීට කලින් අපි අතරේ "හිටං" කියල කතා කරන යාළුවො හිටපු නිසා වෙන්න ඕනේ හිටං...

    ReplyDelete
    Replies
    1. මේ වගේ වචන අපේ වාග්මාලාවෙත් තියනවා නම්, අපිට එය විශේෂත්වයක් ලෙස දැනෙන්නේ නැහැ. අපි හැමදෙනාගේම කථන වාග් මාලාවේ තිබෙනවා, වෙනත් ප්‍රදේශයක කෙනෙකුට, අමුතු වචන වගේ දැනෙන දේවල්. නමුත් එයට අපහාස කිරීම හොඳ ගතියක් නෙවෙයි.

      Delete
  10. මේ වීඩියෝ එක ඉස්සර ඉඳල හිටලා රූපවාහිනියෙ යනවා.
    "හිටං" කියන වචනෙ ඇහුවම මතක් උනේ ඩී ඇස් උත්තමය තමයි ඒ කාලෙ.

    ReplyDelete
    Replies
    1. මෙයින් පෙනෙනවා, අද කාලේ මෙය මෛත්‍රීපාල ජනාධිපතිතුමාට විශේෂ කර දක්වන්න හැදුවත්, මේ යෙදුම, අනාදිමත් කාලයක්, අපේ රටේ තිබුන සාමාන්‍ය යෙදුමක් බව.

      Delete
  11. විචාමාමේ...........

    ඔය කතාව මෑතක රූපවාහිණියේ දානවා දැක්කා.... හොද ගැමි වහරකින් කතා කරන්නේ. සමහර විට ඒ කාලේ ලංකාවේ තිබුණ භාෂා ව්‍යවහාරය වෙන්නත් ඇති. මොනවා වුණත් ඔය හිටං කියන කෑල්ල හොදට මටත් මතකයි... එදා අපිත් ඔය ගැන කතා කරා. ඒ විතරක් නෙමෙයි තවත් හොද හොද සිංහල වචන වලින් තමා ඔය කතාව තියෙන්නේ.... සාමාන්‍යෙයන් කියන්නේ ඩීඑස් කියන්නේ කලු සුද්දෙක් කියලා. භාෂාවට වඩා දේශපාලනික හැසිරීමත් දේශපාලනයේ දී වැදගත්. අපේ කට්ටිය ඔය අල්ලං දගලන හිටං එකෙන්නං කරන්නට හැකි දෙයක් නැහැ....

    ReplyDelete
    Replies
    1. ඔව්, ඒ කාලේ ඩී.එස්. සේනානායක අගමැති තුමා ගේ ගැමි ගතිය නිසා, අපේ රටේ කළු සුද්දෝ, එතුමාව 'කැලෑ ජෝන්' කියලා අපහාස මුඛයෙන් හැඳින්වුවාලු.

      අපි සැමදෙනාටම පවුලෙන්, පරම්පරාවෙන්, පරිසරයෙන්, උරුමවූ වාග්මාලාවක් තියනවා. එයට අපහාසකරන්නා භාෂාවක සංකීර්ණත්වය නොදන්නා මැට්ටෙක්.

      Delete
  12. මම හිතන්නේ බණ්ඩාරනායකත් හිටං කියුවා. හැම දේශපාලකයාගෙම මොකක් හරි ඔය වගේ කෑල්ලක් අල්ලාගෙන හිනා වෙන එක අපේ හැටි නොවැ හිටං.

    ReplyDelete
    Replies
    1. බණ්ඩාරනායක අගමැතිතුමාගේ වීඩියෝ එකක් හෝ ඕඩියෝ එකක් හොයන්න උත්සාහ කළා හරිගියේ නැහැ. මට හිතෙනවා එතුමාත් මේ යෙදුම පාවිච්චි කරන්න ඇති.

      කියන්න දෙයක් නැතිවුනාම වචනයක් හරි අල්ලගන්න එකත් අපේ ගතියනේ.

      Delete
  13. හිටං ඉන්න තව කීප දෙනෙක්ම ඉන්නවා හිටං... ඒ වගේම කොළඹ තියෙන කතාවක් තමයි... ඔමායත් කියන "ඉඳගෙන" කෑල්ල... එතකොට හිටගෙන ඉඳගෙන දෙකම තියෙනවා...

    ReplyDelete
    Replies
    1. ඇයි මාතේ ඔයවගේ කෑලි කොච්චර තියනවද අපේ සමාජයේ, හිටං, ඉඳන්, ඇවිල්ලා, ඒ කරලා, අහකවෙලා, මට දැනට මතක්වුනේ ඔච්චරයි.

      Delete
  14. හිටං කියලා ගිනස් වාර්තාව තියෙන්නේ කාටද ?

    ReplyDelete
    Replies
    1. දයාසිරිට ඉවාන්, දයාසිරිට...

      Delete
    2. @ ඉවාන්, උඹ කාගෙදෝ ගෙයක් ළඟ හිටං ඉඳලා වාර්තාවක් තිබ්බා කියලා පාද්රේ මහත්තයා කිව්වා.

      @ ඩ්‍රැකී. අහුවුනොත් උඹේ ලේ බොයි. බලාගෙන.

      Delete
    3. ඩ්‍රැකී හරි මල්ලි

      Delete
  15. ඇත්ත තමයි.. මේ හිටන් කියන එක අපේ පැත්තේ පාවිච්චි වෙනවා.. ඒත් ඒක මීටර් උනේ ලඟදි ඉදලනෙ හිටන්..
    ඕන් මං පොලොන්නරුවෙ නෙවෙයි..

    ReplyDelete
    Replies
    1. ඔව් මව් වගේ වචන අපේ රටේ විවිධ පැතිවල පාවිච්චි කරනවා. අල්ලගන්න දෙයක් නැතිවුනාම කාගෙහරි වචනයක් හෝ අල්ලගන්න එක අපේ සිරිතක් නේ.

      ඔයා පොළොන්නරුවේ නැත්තං කොහෙද ඉන්නේ හිටං?

      Delete
    2. නුවර පැත්තෙ හිටන්..

      Delete
  16. මම ඔය හිටගෙන කතාව ඇත්තටම ඇහුවේ අපේ බ්ලොග් කාරිණියකගෙන. හිටංද හිටගෙනද මන්දා. මම හිතන්නේ අර ජුවිෂ් කෙල්ලද කොහෙද ඕක නිතර කියන්න ගත්තේ.

    ReplyDelete
    Replies
    1. එව්වට කොපි රයිට් තියේ.. අපේ බබී සල්ලි ගෙවලා කොපි රයිට් ගත්තා.. හැක්

      Delete
    2. @ Dude. හුට්ට බටා. කවද්ද ඒකි යුදෙව් ජාතියට මාරුවුණේ? මේ ඊයේ පෙරේදා මට හම්බවුන වෙලාවේදීවත් කිව්වේ නැහැනේ.

      @ ප්‍රසන්න. ඉඳගෙනද වෙනත් ජාතියකට මාරුවෙලා තියෙන්නේ.

      @ දේශ්. කොහොමද යකෝ සල්ලි ගෙවලා යුදෙව් වෙන්නේ?

      Delete
  17. ඒකනේ කියන්නේ හිටං. දැන් සෙනසුරාදට එනවැයි හිටං.

    ReplyDelete
    Replies
    1. හෙනහුරාදට එන්ට වෙන්නේ නෑ හිටං. මං තමුන්නැහෙගේ බොගේ ඒ බව කියලා ඇති හිටං.

      Delete
  18. ඔය හිටං කතාව ඇදිල ගිය වෙලේ ඔය වීඩියෝ එකත් එලියට දාල තිබුණ කට්ටිය හිටං.
    මොනව උනත් මාත් ඔය වචනෙ ගොඩක් තැන්වල අහල තියෙනව හිටං.

    ReplyDelete
    Replies
    1. ඩී එස් සෑර් අනික් එව්ව දැනගත්තෙත් පත්තරෙන්දෑ මන්ද :D

      Delete
    2. @ Praසන්ன. ඒකනේ කියන්නේ හිටං. අනික් ඔක්කොටම කියන්න හොඳයි හිටං. ජනාධිපතිතුමා කිව්වොත් වැරදියි හිටං

      @ පත්තර මල්ලි. පත්තරේ නෙවෙයි පාද්රේ කියලා ඉතාලි මහත්තයෙක්ලු කියලා දුන්නේ. හැක්.

      Delete
  19. හැක් හිටං මට කෙලෙව්වා අපේ හාමුදුරුවනේ.

    ReplyDelete
    Replies
    1. ඊයේ පෙරේදා දුන්න නේද ටීවී එකෙන් මාර ටෝක්ස් එකක් හිටං.

      Delete
  20. මියන්මාරයේ නව ජනාධිපති?

    ReplyDelete
    Replies
    1. 'හිටින් කිව්වම' වගේ නමක් නේද හිටං.

      Delete
  21. හිටං හිටං කිව්ව වගේ නෙමෙයි "හිට්ටම" සැප කණේ :D

    හිටියට හිටියා … හැක හැක

    ReplyDelete
    Replies
    1. ඒ කියන්නේ උඹ හිතුවා වෙඩි නොවදින වීදුරුවක් කියලා. නමුත් වීදුරුවේ හිලක් තිබිලා.

      හ්ම්.........අපිටත් ඔව්වා වෙලා තියනවා හිටං, එකදාස් නවසිය බුදු ගණන් වල හිටං.

      Delete
  22. හොඳ සොයාගැනීමක්. දැන් කකුල සනීපද?

    ReplyDelete
    Replies
    1. හෙහ් හෙහ්, වෙන වැඩකට යූ බටේ දිගේ යද්දී හම්බවුනේ හිටං.

      දැන්නං කකුල සනීපයි හිටං. ස්තුතියි සුවදුක් විමසුවාට හිටං.

      Delete
  23. ඔය කොයි අවුරුද්දේ වගේද හිටං ?

    ReplyDelete
    Replies
    1. ඩී.ඇස්. සේනානායක උන්නාන්සේ අභාවප්‍රාප්ත වුනේ 1952 දී නේද හිටං. මං හිතන්නේ මේක ඒ කාලේ හිටං තියන එකක් කියලා හිටං.

      Delete
  24. අම්මට හුඩු හිටං.....හිටන් ඉඳන් බ්ලොග කියෙව්වේ හිටං.

    ReplyDelete
    Replies
    1. හෙහ් හෙහ්, හිටං ඉඳන් කියෙව්වත් කමක් නෑ, තමුන්නාන්සේගේ කොමෙන්ට් එකනේ වටින්නේ හිටං.

      Delete
  25. ඒ උනාට අපේ රූපවාහිනී නාලිකාවල හිටං කැත විදියට හිටං කපනව හිටං.

    ReplyDelete
    Replies
    1. දැන් තියෙන්නේ නාලිකා නෙවෙයි හිටං. දැන් තියෙන්නේ බට. එව්වා බලන අපිටයි ගහන්න වටින්නේ හිටං.

      Delete
  26. මුන්නැහැ ගැන නං ලියන්න තියෙන්නෙ මේ වගේ දෙයක් තමා කියල හිටං ගස්ලබ්බට හිතෙන්නෙ.උන්නැහැ නං මක්ක හරි කරල හිටං මලේ..
    ජයවේවා..!!

    ReplyDelete
    Replies
    1. සේනානායක උන්නැහේ කොරපු වැදගත්ම වැඩේ හිටං, පිට රටට සත පහක් ණය නොවී ගල්ඔය ව්‍යාපාරය කොරපු එක හිටං. මෛත්‍රී උන්නැහෙත් මොකක්වත් නොකලොත් වසලා හමාරයි හිටං.

      Delete
  27. බොහොම ස්තුතියි අරුණ. ගිහිල්ලා බලන්නම්.

    ReplyDelete
  28. හිටං සහ ඉඳන් යන ප්‍රතිවිරුද්ධ තේරුම් තියන වචන දෙකම එකම අර්තයකින් භාවිතාවීම හරි පුදුමයි නේද බලන් ගියාම.

    1952 හිටං මුං හිටං කියලා තියනවා...
    1952 ඉඳන් මුං හිටං කියලා තියනවා...

    ReplyDelete
    Replies
    1. බොහොමයක් භාෂාවල මෙවැනි යෙදුම් තිබෙනවා. වාක්‍යයක යොදන ස්ථානය අනුව, අර්ථය වෙනස් වන වචන, සෑම භාෂාවකම පාහේ තියනවා. එමෙන්ම, උච්ඡාරණය කරන තානය (tone) අනුවත් අර්ථය වෙනස් වෙනවා.

      'මිනිහ කරයි වැඩේ' බලන්න, මේ වාක්‍යය කීප ආකාරයකට උච්ඡාරණය කරන්න පුළුවන් වෙනස් අර්ථ දෙන විදිහට.

      Delete
  29. මොනව උනත් අපේ හිටන්ගෙ(රැජිනගෙ වහලගෙ)හිටන් එකට ගහන්න හිටන් එකක් නෑ හිටන්

    ReplyDelete
    Replies
    1. කියලා වැඩක් නෑ හිටං.

      Delete
  30. කලින් කොහෝ හෝ ඔය කතාව අසා තිබුනා. නමුත් පළමු වතාවට ගොඩ වැදුන නිසා සටහනක් තබා යන්නට හිතුනා.

    ReplyDelete
    Replies
    1. සාදරයෙන් පිලිගන්නවා. ඉඩ තිබෙන අවස්ථා වල යලිත් එන්න. අදහස් දැක්වීම ගැන ස්තුතියි.

      Delete
  31. හිටං කියන්නෙත් සෑහෙන පරන භාවිතයක්නේ හිටං

    ReplyDelete
    Replies
    1. ඒකනේ බලන්නකෝ හිටං ඒකෙත් හැටි හිටං.

      Delete

.emoWrap { position:relative; padding:10px; margin-bottom:7px; background:#fff; /* IE10 Consumer Preview */ background-image: -ms-linear-gradient(right, #FFFFFF 0%, #FFF9F2 100%); /* Mozilla Firefox */ background-image: -moz-linear-gradient(right, #FFFFFF 0%, #FFF9F2 100%); /* Opera */ background-image: -o-linear-gradient(right, #FFFFFF 0%, #FFF9F2 100%); /* Webkit (Safari/Chrome 10) */ background-image: -webkit-gradient(linear, right top, left top, color-stop(0, #FFFFFF), color-stop(1, #FFF9F2)); /* Webkit (Chrome 11+) */ background-image: -webkit-linear-gradient(right, #FFFFFF 0%, #FFF9F2 100%); /* W3C Markup, IE10 Release Preview */ background-image: linear-gradient(to left, #FFFFFF 0%, #FFF9F2 100%); border:3px solid #860000; -moz-border-radius:5px; -webkit-border-radius:5px; border-radius:5px; box-shadow:0 4px 6px rgba(0,0,0,0.1),0 1px 1px rgba(0,0,0,0.3); -moz-box-shadow:0 4px 6px rgba(0,0,0,0.1),0 1px 1px rgba(0,0,0,0.3); -webkit-box-shadow:0 4px 6px rgba(0,0,0,0.1),0 1px 1px rgba(0,0,0,0.3); box-shadow:0 2px 6px rgba(0,0,0,0.1),0 1px 1px rgba(0,0,0,0.3); font-weight:normal; color:#333; } .emoWrap:after { content:""; position:absolute; bottom:-10px; left:10px; border-top:10px solid #860000; border-right:20px solid transparent; width:0; height:0; line-height:0; }