හැඳින්වීම

අසමි දකිමි සොයමි වර්ඩ්ප්‍රෙස් බ්ලොග් අඩවියට සමගාමීව ප්‍රකාශයට පත්කෙරේ

03 March 2018

සුභ උපන්දිනයක් තාත්තේ ............................



මගේ පියා අපෙන් සදහටම සමුගෙන  මාස දහයකට ආසන්න වුවත් එය කල්පයක් ලෙස දැනෙන අතර , මතකය හැමදාම අලුත්වන අතරම එහි කටුකත්වය විස්තර කිරීම ඉතා අපහසුය. අපේ ජිවිතයේ ගැලවුම් කාරයා ඔහුවිය . සහෝදර සහෝදරියන් හත් දෙනෙකුගෙන් යුතු පවුලේ පස්වැනියා ලෙස උපන් ඔහුට නම් රැසක් විය . සීයලා ආච්චිලා ඔහුට මහතුන් පුතා කිවූ අතර නැන්දලාගේ ලොකු මල්ලී විය . ලොකුතාත්තා  හා  බාප්පලා ඔහුට අමුතුමනමක් දමා තිබුණි . ඔහුගේ සහෝදර සහෝදරියන්ගේ දරුවන් ඔහුව අයි මාමා යනුවෙන් හැඳින්විය.  පසුකාලීනව ඔවුන්ගේ දරුවන්ට මගේ පියා ජොලි සීයා විය. එහෙත් ඔහුගේ උප්පැන්න සහතිකයට අනුව ඔහු 1954 පෙබරවාරි  27  කෑගල්ල මොරදන  දී උපන්  xxxxxxxxxxxxxxxxx නම් විය . බ්ලොක් සමාජයට  ඔහු විචාරක තුමා   විය .


ඔහුගේ  බාලම සහෝදරයා හෙවත් පවුලේ බඩපිස්සාගේ  උපන්දිනය 1960 පෙබරවාරි 28 විය . කාලයාගේ ඇවෑමෙන් ලොකුමහත්වූ මොවුන් තමන්ගේ උපන්දිනයන්වලට  සාද පැවැත්වූහ . මෙයට  වඩාත්ම කැමති වූයේ මේ දෙදෙනා අතරමැද  උපන්  බාප්පාය.  ඒ මන්දයත් දෙදෙනාගේම උපන්දින එකට සමරනවිට පසුවදා එළිවනතුරු  සාදය පැවැත්විය හැකි බැවිණි. එවිට පවුලේ බොහෝදෙනා සහභාගිවන ප්‍රීතිමත් උත්සවයක් වන බැවිනි .


එහෙත්  පළමුව 1995 පෙබරවාරි 22 මගේ පියාගේ වැඩිමහල්  සහෝදරයා මිය යන ලදී . එය මගේ පියාට තදින් දැනුන සිදුවීමකි. ඔහුගේ ඉලෙක්ට්‍රොනික් ලෝකයේ මුල් ගුරුවරයා  ඔහුවිය .  එතනින් මදක් බිඳ වැටුණු ඔහුගේ ජීවන යාත්‍රාව ඊළඟ කුණාටුව හමන්නේ 2002 දෙසැම්බර් 2 වන දාය . ඔහුගේ බාලම මලණුවන් රිය අනතුරකින්  ඔහුව හැරදමා ගියේය . එදා ඔහු පදවියේ සිට අපේ නිවසට එනවිට ලොඳ ගෙඩි මෙන් ඇස් ඉදිමී රතුවී තිබූ අතර, නිවසේදී ඔහු කෑ ගැසූ ආකාරය අද ද මගේ දෙසවන දෝංකාර දේ . එම සිද්ධියෙන් පසු ඔහු උපන්දින සාද ගැනීම නතර කරන ලදී . එයින් යන්තම් මිදෙන්නට හදන විටම ඔහුව යලි ගොඩනැගිය නොහැකි තරමට මහා හෙනයක් හිස මත පතිත විය. එනම් 2004 දෙසැම්බර් 26 ඔහුට ඉතිරිව සිටි එකම සහෝදරයා සහ ඔහුගේ පුතා සුනාමියෙන් සදහටම දෙනෙත් පියාගැනීමයි. සිවු මහා යෝධයන් ලෙසසිටි සහෝදරයන්  හතර දෙනෙක් මෙසේ දෛවයේ කුරිරු සරදමට අසුවූහ.  එයින් පසු  මගේ පියා බොහෝ ගොළුවිනැයි මට වරෙක සිතේ . ඒ  දුක ඔහු හදවතේ සිරකරගෙන ජීවත්වීමට මහත් වෙහෙසක් දැරීය. සහෝදරයන් තිදෙනෙකුගේ අවමංගල ස්තූතිකතාව ඔහුගේ මුවින්  නික්මිණි.

කෙසේවෙතත්  දෛවයේ සරදම් ලබමින් ඔහුද පසුගිය වසරේ අපට අහිමි විය. ඔහුගේ අවසන් උපන්දිනය  එය වෙතැයි කිසිවෙකුත් අපේකෂා නොකළහ. ඔහුගේ උපන්දිනය සැමරීමට අප නිවස අවට සිටින අසල්වැසියන් අප නිවසට පැමිනුණහ.

  
ඔබ නැති මේ උපන් දිනයේදී  ඔබ වෙනුවෙන්  කුරුණෑගල ශික්ෂණ රෝහලේ  පිළිකා ඒකකයේ රෝගීන් 80 වක් වෙනුවෙන් දානයක් පිළිගන්වන ලදී . එපින් බලෙන් සසර වසනාතුරු මෙවන් අකල් මරණයක් නොවේවා . මතු ආත්මයෙත් ඔබ මගේ පියා වේවා ! යයි පතමි.  සුභ උපන් දිනයක් තාත්තේ .......................


විචාරක දියණිය පස්වරු 22.00 පැයට


27 comments :

  1. සුභ උපන් දිනයක් විචා.......ඉන්න තැනක ඉඳන් මේ දුවගේ පෝස්ට් එක කියවපන්. අපි කවුරුත් උඹ ඉන්න තැනකදි හම්බ වෙයි. දින වකවානු හරියටම කියන්න බැහැ. ආපු දවසක කතා කරමු.

    ReplyDelete
    Replies
    1. ස්තූතියි ඔබට , ඔහුට ඔබව ඇසේවා
      විචාරක දියණිය

      Delete
  2. අනිවාර්යයෙන්ම ඔබ අප හමුවේවි.කතාකරන්නට බැරි වෙච්ච දේ කොතෙක්ද? එතෙක් දියණියගේ අනුවේදනීය සටහන කියවන්න විචාරකතුමා

    ReplyDelete
    Replies
    1. බොහොම ස්තූතියි සර්
      විචාරක දියණිය

      Delete
  3. සුබ උපන්දිනයක් විචා. ඔබ නැති අඩුව බ්ලොග් ලෝකයටද තදින් දැනෙන්නක්.

    ReplyDelete
    Replies
    1. ඔබ නැති දවසකත් අපට එහම කියන්න හැකි වීවා

      Delete
  4. විචා ගියත් ඉන්න අයට මතකයන් තියා ොස් ඇත. චියර්ස් විචා

    ReplyDelete
    Replies
    1. බොහොම ස්තූතියි දේශකයාතුමනි
      විචාරක දියණිය

      Delete
  5. Now cracks a noble heart. Good night sweet prince:
    And flights of angels sing thee to thy rest!

    උදාර හදකිය නිසල වූයේ,
    සුබ රැයක් දයාබර වූ කුමරුනි,
    දෙවඟනන් කැල ගයන ගී සර,
    අසමින් නිදනු මැනව සදා ඔබ,

    - Hamlet

    ReplyDelete
    Replies
    1. ලෝකය රඟ මඬලකි. අපි එහි නළු නිලියන් වෙමු
      ශේක්ස්පියර්

      Delete
  6. Replies
    1. ඔබේ ප්‍රතිචාරය හදවතින්ම් පිළිගනිමි.
      විචාරක දියණීය

      Delete
  7. This comment has been removed by the author.

    ReplyDelete
  8. උපතත් රැගෙනයි එන්නේ අපගේ උපන් දිනේ
    යන්නට වෙනවා ආපසු මරැවා ආපු දිනේ
    එය නවතාලන්නට බැරිබව කාටත් දැනේ
    උපතයි මරණයයි අතර ගෙවෙන්නේ ජීවිතයද අනේ

    ReplyDelete
    Replies
    1. පන නම් තණ අග පිනි බිඳ වැන්නේ
      විචාරක දියණිය

      Delete
  9. යහපත් මිතුරෙක් මට අහිමි විය

    ReplyDelete
    Replies
    1. ඔබ සමග ඔබේ දුක බෙදාගනිමි
      විචාරක දියණිය

      Delete
  10. සුභ උපන් දිනයක් විචා සර්! අඩියක් ගහල වීදුරුව ඔලුවේ තියාගෙන ඩාන්ස් එකක් දාන්න ආයේ දවසක සෙට් වෙමු.

    බ්ලොග් ලෝකය 'බ්ලොක්' වෙච්චි තැනක් තමයි විචාරක ගේ සමුගැනීම..

    ReplyDelete
    Replies
    1. බොහොම ස්තූතියි ඔබගේ ප්‍රතිචාරයට
      විචාරක දියණිය

      Delete
  11. සුභ උපන් දිනයක් +++++++++++

    ReplyDelete
    Replies
    1. අපි ඔහුට එසේ පතමු
      විචාරක දියණිය

      Delete
  12. සුබ උපන් දිනයක් වේවා ! නැවතත් කෙදිනකදී හෝ බ්ලොග් ලොවේදී මෙන්ම මේ මතු අත්මයකදිම අප හා එක්වෙවා !.

    ReplyDelete
  13. ඔබේ පැතුම එලෙසින්ම ඉටුවේවා යයි පතමි

    ReplyDelete
  14. මා මෙම අඩවිය දුටුවෙ අහම්බෙනි එ යුදහමුදාව ගැන යම් ොරතුරැ ටිකක් ලබාගැනීමට කල සෙව්මකදිය

    පටන්ගැන්මෙ සිට දින කිහිපයක් තුට අවශ්‍ය බාගත කරමින් ඉදිරියට ආමි

    මෙය දුටුවෙ එවිටය
    මා ඔහුව (විචාරකව) දැක හො කතා⁣ කො⁣ට නැත

    එක් නෙතග තෙත් වුවත ගදුල වැටීම නවතා ගත්තෙ මහත් පරිශ්‍රමයක් දරාය

    එ තරමට ඔහුගෙ ලිපි තුලින් මා ඔහුගෙ සොදරයෙක් බවට පත්කොට ඇත

    ඔබ(විචාරක දියනිය) මෙ අඩවියට ඔහු වෙනුවෙන් ජීවය දීම මාහට අස්වැසිල්ලකි

    😭😭😭

    ReplyDelete

.emoWrap { position:relative; padding:10px; margin-bottom:7px; background:#fff; /* IE10 Consumer Preview */ background-image: -ms-linear-gradient(right, #FFFFFF 0%, #FFF9F2 100%); /* Mozilla Firefox */ background-image: -moz-linear-gradient(right, #FFFFFF 0%, #FFF9F2 100%); /* Opera */ background-image: -o-linear-gradient(right, #FFFFFF 0%, #FFF9F2 100%); /* Webkit (Safari/Chrome 10) */ background-image: -webkit-gradient(linear, right top, left top, color-stop(0, #FFFFFF), color-stop(1, #FFF9F2)); /* Webkit (Chrome 11+) */ background-image: -webkit-linear-gradient(right, #FFFFFF 0%, #FFF9F2 100%); /* W3C Markup, IE10 Release Preview */ background-image: linear-gradient(to left, #FFFFFF 0%, #FFF9F2 100%); border:3px solid #860000; -moz-border-radius:5px; -webkit-border-radius:5px; border-radius:5px; box-shadow:0 4px 6px rgba(0,0,0,0.1),0 1px 1px rgba(0,0,0,0.3); -moz-box-shadow:0 4px 6px rgba(0,0,0,0.1),0 1px 1px rgba(0,0,0,0.3); -webkit-box-shadow:0 4px 6px rgba(0,0,0,0.1),0 1px 1px rgba(0,0,0,0.3); box-shadow:0 2px 6px rgba(0,0,0,0.1),0 1px 1px rgba(0,0,0,0.3); font-weight:normal; color:#333; } .emoWrap:after { content:""; position:absolute; bottom:-10px; left:10px; border-top:10px solid #860000; border-right:20px solid transparent; width:0; height:0; line-height:0; }