ඔව් ඉතින්, එදත් අදත් අපි, නොයෙක්විට, විවිධාකාර හොල්මන් දකිනවනේ. එදා අපේ කාලෙත්, පාරේ යනකොට දකින සමහර අය, මනුස්සයෙක්ද හොල්මනක්ද කියලා හිතාගන්න බැරි අවස්ථා තිබුනා. ඉතින් අදත් එහෙම වෙන එක පුදුමයක් නෙවෙයි. වැඩේ කියන්නේ, පණපිටින් ඉන්න මනුස්ස පරාණ, හොල්මන් වගේ පෙනෙන එකයි. බොහෝවිට ඒ සඳහා බාලපාන්නේ ඇඳගෙන ඉන්න ඇඳුම් සහ බාහිර පෙණුමයි. 'අඳින්න මිනිගවුම අඳින්න' කියලා ඇන්ටන් ජෝන්ස් කියන සින්දුවෙත්, මිනි සහ මිණී දෙක පැටලිලා සිද්ධවෙන අවුලක් ගැන කියනවා නේද?
හොඳයි, මේ චූර්ණිකාව කිව්වේ, අද මා ඔබවෙත ගෙන එන අසහාය ලේඛක, චන්ද්‍ර අනගිරත්න මහතාගේ, 'නරලොව හොල්මන්' කෘතිය ගැන කතා කරන්නයි. අපි පාසල් සිසුන් ලෙස, එතුමාගේ නිර්මාණ රසවිඳි ආකාරය තවමත් මතකයි. 'සීමාසහිත ස්වාධීන පුවත්පත් සමාගම' හෙවත්, 'දවස නිවස' වෙතින් පළකෙරුණු, සති අන්ත පුවත් පතක් වන, 'රිවිදින' පුවත්පතේ පළවුණු, හාස්‍ය රසයෙන් අනූන මෙම නිර්මාණ, එකල අපේ සිත් තදින්ම බැඳගත් බව, නොකියාම නොහැකියි. ලංකාවේ ඉරිදා නිවාඩු දිනය වෙනුවට, පෝය දින නිවාඩුව ක්‍රියාත්මක වීමෙන් පසු, රිවිදින පුවත්පත 'රිවිරැස' යනුවෙන් නම් කෙරුණා.
මෙහි මා දක්වන එතුමාගේ ලිපි එකතුව, එසේ පසුකාලීනව රිවිරැස පුවත්පතට ලියන ලද ලිපි බව මෙම කෘතියේ සඳහන් වෙනවා.
මෙය, මෙතුමාගේ ලිපි එකතු වශයෙන් පලකළ, තුන්වැනි කෘතියයි. මෙහි 1 සහ 2 කොටස් සොයාගන්නට, මට තවමත් නොහැකි වුන බවත්, කණගාටුවෙන් සඳහන් කරනවා. ඒ කාලයේ, මෙම ලිපි, සති අන්තයේ පළවූ පසු, ඉතා පුළුල් ලෙස, එම ලිපි පිළිබඳව, සමාජයේ කතාබහට ලක්වුණා. එයට ප්‍රධාන වශයෙන් හේතුවුණේ, රූපවාහිණිය එකල මේ රටේ නොතිබීම, ගුවන්විදුලිය සීමිත පිරිසකට පමණක් අසන්නට ලැබීම, ග්‍රාමීය ජනතාව පවා, සෑහෙන දුරට පුවත්පත් කියවීම, යන සාධකයි. මෙම ලිපි වලින්, ඉතා ගැඹුරු දේශපාලන ප්‍රහසන, සමාජ ප්‍රහසන, කාලීන සමාජ ගැටළු, මොනවට නිරූපණය කෙරුණා. ඒ නිසාම, ඒ ලිපි තදින් ග්‍රහණය කරගන්නට, ජනතාව පෙළඹුණා යයි කීම නිවැරදියි.
එතුමාගේ සමහර ලිපි සමහරෙකුට පිස්සු විකාර මෙන් පෙනෙන්න ඇති. ඒ නිසා එතුමා මේ පොත මෙන්න මේ ආකාරයට පිළිගන්වා තිබෙනවා.
චන්ද්‍ර අනගිරත්න මහතා සෑහෙන ග්‍රන්ථ සංඛ්‍යාවක් නිර්මාණය කර තිබෙනවා. මේ බලන්න.
ශ්‍රී ලාංකීය සමාජයේ පැවැත්ම ගැන සලකා බැලීමේදී, මේ ලිපිවලින් බහුතරයක්, සර්වකාලීන වටිනාකමකින් යුක්ත බව, නොකියාම බැහැ. නරලොව හොල්මන් 3 කෘතියෙන් උපුටාගත් ලිපියක්, ඔබ වෙත ඉදිරිපත් කරන්නට මා සිතුවේ, වර්තමානයේදී අපේ සමාජයේ කතාබහට ලක්වන මාතෘකාවක්, එදත් සාකච්ඡාවට භාජනය වී තිබුණු ආකාරය ඔබට පෙන්වා දෙන්නටයි. මේ දිනවල, ජනමාධ්‍ය, නීතිය, පොලීසිය, මහජනතාව සම්බන්ධ විවිධ දේශපාලන මතිමතාන්තර කැටිවූ ලිපි, පුවත්පත්වල මෙන්ම අන්තර්ජාලයේත් දකින්නට ලැබෙනවා. බලන්න පහතින් දක්වා ඇති ලිපිය, මා ඉහත සඳහන් කලාක් මෙන්, සර්වකාලීන වටිනාකමක් නැද්ද කියා.
ඔන්න ඔහොමයි චන්ද්‍ර අනගිරත්න මහත්තයාගේ කතා.
2015 නොවැම්බර් මස 07 වැනි දින 2301 පැය
අනගිරත්න කතාවක් දාල උදේ පාන්දර හිනා වෙන්න සැලැසූවට විචාට පිං
ReplyDeleteබොහොම ස්තුතියි. මට නවෙයි ඉතින් අනගිරත්න මහතාට තමයි පිං මෙව්වා ලිව්වට.
Deleteනරලොව හොල්මන් දැකලා තියනවද කියලා ඇහුවම මම හිතුවා විචාගේ පොටෝ එකක්වත් දාලාද කියලා.
ReplyDeleteහිනාවෙන්න ලියපු කතාවක් වගේ පෙනුනට කතාව ඇතුලේ ඉතා සියුම් විදියට අපි හැමෝගෙම චරිත උපාහසයටත් ලක්කරලා.ඒ නිසා අපි අපිටම හිනාවනවා මේ කතාව කියවන ගමන්.අපේ අවස්ථාවාදිකම අර මුදලි තුමාගෙන් මුදල් ගැනීමත් එක්ක මතුකරලා තියනවා යස අපුරූවට..
මේ පොතනම් අනිවාර්යෙන්ම අරගෙන බලන්න ඕන.ස්තුතියි වචා මේ පොත ගැන අවධානය යොමු කලාට...
//නරලොව හොල්මන් දැකලා තියනවද කියලා ඇහුවම මම හිතුවා විචාගේ පොටෝ එකක්වත් දාලාද කියලා.//
Deleteකොහොමද හොල්මන වීදුරුවක් ඔළුව උඩ තියාගෙන ඉන්නකොට.
තව පොඩ්ඩෙං වීදුරුව උඩ ඔලුවෙන් හිටගන්ඩ ගියේ :D
Deleteමට විචාව මැවිලා පේනවා
Deleteපිස්සුද මනෝ. මගේ පොටෝ එකක් දැම්මනම් අහන්නේ ඇවිදින මළමිනී දැකල තියනවද කියලනේ.
Deleteප්‍රසන්න, අනේ අනේ, හරියට උඹ දැක්කා වගේ.
පත්තරේ, නෑ නෑ, අර අටමා ඊයේ පෙරේදා කියලා තිබුනේ අර පොලිස්කාරයෙක් මිනිහෙක්ව මොකෙන්ද එකෙන් හිටවනවා කියලා. අන්න ඒක වෙන්න ගියේ.
ජනවහරේ තියෙන 'නයා අදිනවා' කියනවා එක හැදී තිබෙන්නේ චන්ද්‍ර අනගිරත්නගේ කතාවක් නිසා නේද? මතක හැටියට ඒ කතාව තිබුණේ නවීන ගජබින්නාලංකාරයේ.
ReplyDeleteඒ සීන් එක ඇනස්ලි ඩයස් ල ගෙ කෑල්ලක තියෙනව මට මතකයි.
Deleteඒකත් මට මතකයි ඩ්‍රැකී. එකම කතාව. මම හිතන්නේ අනගිරත්නගේ කතාව ආවේ කලින් කියලා. හරියටම ෂුවර් නැහැ.
Deleteඅනගිරත්න ගේ නිර්මාණයක්, මාත් ඒ පොත කියවා තියෙනවා.
Deleteඉකොන්, මටත් හරියට මතක නැහැ. නමුත් 1970 දශකයේ අග භාගයේ තමයි ඔය නයා කතාව ආවේ.
Deleteකවුරුහරි දන්න කෙනෙක් යොමුවක් දෙන්න.
නයා කතාව තියෙනවා මේ පොතේ ම 183 පිටුවේ.
DeleteThanks Mr.Wicharaka. Me wage poth pdf widihata thiyena links ehemath share karanta piluwannam bohoma watina wedak. Mokada mehe library wala sinhala poth nethi api wage ayata blog walin nethiwa sinhala poth kiyawanta thiyena asawa ethath kramayak ne poth kiyawanta. Bohoma isthuthiy romba thanks ube pandarama rasa deyak kiyawanta lebunata. Jaya wewa..!!
ReplyDelete'රොම්බ තැන්ක්ස්'.......යකෝ ඒ කෑල්ලට මම බඩ අල්ලාගෙන හිනාවුණා.
Deleteසිංහල පොත් අන්තර්ජාලයේ බොහොම සීමිතයි.
දෙවන කොටස මා සතුයි විචාරක තුමා. මෙවර පොත් ප්‍රදර්ශණයෙන් ගත්තේ. ලැබෙන්න සලස්වන්න තිබ්බා ලග පාතකනම්.
ReplyDeleteඉතින් ලියන්නකෝ ඒ පොත ගැන ලිපියක්.
Deleteඑයා තාම ඉන්නවද ලොකු අයියේ
ReplyDeleteඅවාසනාවකට චන්ද්‍ර අනගිරත්න මහතා දැන් ජීවතුන් අතර නැත
Deleteඒත් අර උඩ තියන පින්තූරෙ මූණ .... දන්න කෙනෙක් වගේ පොඩ්ඩක් ....
Delete(බැනුම් ඇසීමට බැරිය . නම් නොකරමි )
අටම්, දැන් මේ පූසා කිව්වම තමයි මමත් දන්නේ ජීවතුන් අතර නැහැ කියලා. මම නෙට් එකේ හෙව්වා බයෝග්‍රෆි එක හොයන්න පුලුවන්ද කියලා. ඔහේ නෑ.
Deleteප්‍රා, කොහෙද, බීලා ඉන්නකොට මිනිහෙකුගේ මූණ හරියට මතක තියනවැයි.
නමක් තියා ගත්ත ලේඛකයෙක්... යුග පුරුෂයෙක්..හැබයි ප්‍රශ්ණයක් තියෙනවා... මම ඒක මෙතන ලියන්න කැමති නෑ.. හම්බ උන් වෙලාවක අහපන්...
ReplyDeleteපත්තරයක් ගැනද?
Deleteනෑ මචෝ ඌ ලියපුවා ගැන..
Deleteඅහලම නෑ මාතේ එහෙම දෙයක්. කෝල් එකක් දුන්න වෙලාවක කියපන්.
Deleteමටත් මිනිහා ලියපු දේවල් ගැන පොඩි අවුලක් හිතෙන පොත් හම්බ වෙලා තියෙනවා...
Deleteකියවද්දී මළ පැන්නත් ඒ කොටස් අමතක කරලා දාල පොත රස වින්දා...
මිනිහා අනාතනාථ වෙලා කැලේ හිටපු කාලේ ජීවිතේ ගැන පොත් හරි ලස්සනයි...
අනගි ගෙ පරිවර්තන වලට මං එච්චර කැමති නෑ. ඩ්‍රැක්‍යූලා කියවල බය උනෙත් නෑ. ඩ්‍රැක්‍යුලාගෙ අඩවියෙ මුල් කතාවෙ අග එයාට ඕනෙ විදිහට වෙනස් කරලා, මමයි ඒක කලේ කියලා උජාරුවට කියනවත් එක්ක. පොරගෙ ස්වතන්ත්‍ර කොමිට් කෑලි නං මරු. මට මතකයි එකක තිබුණා, "වාහනයක් අරගෙන, සේල් එකෙන් එළියට ගන්නකොටම පොලිස් කාරයෙක් අල්ලලා ලයිසන් අහනවා. පස්සෙ පොරට ඒකෙන් බේරෙන්න පොලිස් කාරයගෙ වෙඩින් හයර් එක යන්න වෙනවා. වෙඩින් හයර් එකේදි මනමාලිත් දාගෙන හනිමූන් යද්දි පොලිස් කාරයා අපරාධකාරයෙක්ව අල්ලගෙන ඌවත් කාර් එකේ දාගෙන පොලිසියට යනවා. ඒකෙන් ඌට ප්රොමෝෂන් එකක් ලැබෙනවා. ප්රොමෝෂන් එක නිසා උගෙ දෑවැද්ද ඩබල් වෙනවා..."
ReplyDeleteඩ්‍රැක්‍යූලා කවද්ද ඉතින් තමුන්ගේ ජීවිත කතාව කියවලා බය වෙන්නේ. :e
Deleteඩ්‍රැකී, ඩ්‍රැක්‍යූලා කියෙව්වේ කොයි අවුරුද්දෙද මම කියෙව්වේ 1960 දසකයේදී. ලයිට් නැති, ගෙවල් ඈතින් තියන ගම්වල අපි හිටියේ. ඒ කාලේදී නම් බය හොඳ දැනුණා.
ඇත්තටම අනගිරත්න මහතාගේ හාස්‍යෝත්පාදක කතා තමා සාර්ථක.
මයෙ ජීවිත කතාවත් ත්‍රාසය, භීතිය, පිරි නිකං “සොර-බොර“ වගේ කතාවක් තමා... හෙහ් හෙහ්...
Deleteමං ඩ්‍රැක්‍යුලා කියෙව්වෙ අනූ ගණං වල අග. ලයිට් නිවාගෙන ඉටිපන්දමක් පත්තු කරගෙන බැලුවෙ. ඒත් බය උනේ නෑ. හැබැයි ඩීමන් ආනන්දගෙ “ඩ්‍රැක්‍යූලා ගෙ මනාලියෝ“ කියවලා නම් ත්‍රාසය, කුතුහලය සහ ශෘංගාරය කියන රස තුනම දැනුනා.
සුරලොව ඇල්මන්ගේ නරලොව හොල්මන්. මමත් කැමතිම උපහාස කතා රචකයෙක්. ඔය ඔසී දියලගොඩගෙ චිත්‍රත් ඒ වගේම ඒකටම ගැලපෙනවා නේද?
ReplyDeleteඅන්න ඩුඩ්, මට කියන්න අමතක වෙච්චි දෙයක් ඔය ඔසී ගේ චිත්‍ර. එව්වා මේ කාතාවලට ලොකු එළියක් දුන්නා.
Deleteස්තුතියි ඔබට.
මාත් අනගිරත්නගෙ සමහර කතා අහල තියෙනව. ස්තුතියි විචා මේක දැම්මට.
ReplyDeleteපොත් සෑහෙන්න තියනවා ප්‍රසන්න. අරන් බලන්නකෝ. නියමයි.
Deleteතැන්කුයි විචා.. මමත් ගොඩක් කියවල නැහැ අනගිගේ කතා..
ReplyDeleteහැබැයි ඉතින් උඹ ලියන සමහර ලිපිත් අනගිරත්නගේ එව්වා වගේ තමා.
Deleteඅපේ මෙන්ඩ ත් ටිකක් විලිසංගේ ඇතුව ලියුවානම් මේ වගේ කතන්දර විමානයක් මවන්ඩ තිබ්බා.. :)
ReplyDeleteමේක මරු..
දවසේ කියමන.. රා බොන්ඩ ගිහිනුත් මෙන්ඩ කතා ටිකක් කියල වගේ...
Deleteපලයන්ඩ..
Deleteකල්‍යාණ, මෙන්ඩගේ විලිසංගේ තමයි බ්‍රා මහන්න මෙෂමන්ට් ගන්න පාවිච්චි කරන්නේ.
Deleteඅනගි අනගි කතාවක්..
ReplyDeleteඅනගිරත්න ලිව්වම ඒක අනිවාර්යයෙන් අනගි කතාවක්.
Delete// නරලොව හොල්මන් දැකලා තියනවද //
ReplyDeleteමොකෑ නැත්තෙ.. අපේ ගෙදරත් ආවා :D ඩාන්ෂ් පාරකුත් දැම්මා ..
ඊළඟ සැරේ හොල්මන තොගෙ බෙල්ල මිරිකනවා. ලෑස්ති වෙලා හිටපිය.
Deleteනිකං නෙමෙයි මිල්ටේරි හොල්මනක් ....නැ නැ සමයමක්
Deleteමමත් පොඩි කාලෙ බොහොම ආසාවෙන් කියෙව්වා ඔය සුරලොව ඇල්මන්ගේ නරලොව හොල්මන්....:)
ReplyDeleteමේ ඊයෙ පෙරෙයිද E-book එකක් කියෙව්ව අනගිරත්න මහත්මයගෙ " මා බණ ඇසූ හැටි " කියල...හෙහ්..හිනාවෙලා පණ ගියා....
ඒ එක්කම මේකත් කියන්න ඕන..ඩ්‍රැකී සමඟ එකඟ වෙමි. එතුමාට පරිවර්තන වැඩේ නම් අල්ලල ගියේ නෑ. King Soloman's mines එකේ පරිවර්තනය පිටු දහයක් දොළහක් කියවල මම අල්ලල දැම්ම….:)
මටත් ගොඩක් ඒ පරිවර්තන නං ඇල්ලුවෙ නෑ... හැබැයි එකක් තිබ්බ.. හඳේ සවාරියක් යන්න ගිහින් පොළවෙ වැලලිච්ච ’’වායුපායානයක්” ... ඕං ඔහොම කතාවක්... අපෙ ආතර් සීයගෙ පොතක් වගේ මතක... හි හි (අපෙ ගෙදර තිබ්බ පොතේ කවරෙ ගැලවිලා තිබ්බෙ.. මට ඒකෙ නම මතක නැත්තෙ ඒකයි.... ) ... ඒ පොත නං ආසාවෙන් කියෙව්ව.. සමහර විට ඒක මේ ලෝකෙ කතාවක් නෙවෙයි හින්ද වෙන්නැති... හි හි
Deleteඔන්න කිව්ව ඉඳල ඉඳල කතාවක්…….කොහොමද බොල හඳේ සවාරියක් යන්න ගිහිල්ල " පොළවෙ " වැළලන්නෙ?..... ඈ??
Deleteඅනික ඔය කතාව පරිවර්තනය කලේ මට මතක විදිහට එස්.එම්. බන්දුසීල නැත්නම් සිරිල් සී. පෙරේරා වෙන්න ඕන. ඔරිජිනල් කතාව ලිව්වෙ නම් ආතර් අයියා තමයි. නම ඇවිල්ල " A fall of moon dust "
Machan Ravi, Could you please send me that Anagirathna's e-book? You know my email.
Deleteඔය සෙට් එකම මට ටැපලෙනව අනේ.... හි හි....
DeleteDude,
Deletehttp://www.aluth.com/2014/07/Naralowa-Holman-Joke-books.html
http://funonemails.blogspot.com/2010/02/this-is-little-old-but-funny-ma-bana.html
Thanks Prasanna. I already downloaded it.
Deleteචන්ද්‍ර සංචාරකයෝ ලෙස එම් ඩී එච් සෙනෙවිරත්නද පරිවර්තනය කළේ? මේ පොතෙන් මට හොඳටම මතක හිටපු දේ තමයි සම්භාවිතාව අනුව 24 දෙනෙකුගේ කණ්ඩායමක එකම උපන්දිනය තියෙන දෙදෙනෙක් සිටින බව.
Deleteබණ ඇසූ හැටි කතාව මරේ මරු!
Deleteරවී, අනගිරත්න මහතා ඇත්තෙන්ම සාර්ථක වුනේ හාස්‍යෝත්පාදක කතා රචනයටයි. පරිවර්තන වලට වඩා.
Deleteකෞශි, මෙන්න මෙතන තියනවා ඔයා කියන ආතර් සී ක්ලාක් ගේ විද්‍යා ප්‍රබන්ධය. මෙහි සිංහල පරිවර්තනය මා කියවා තියනවා. ඉතා ඉහල මට්ටමේ විද්‍යා ප්‍රබන්ධයක් ලෙස අදත් සැලකෙනවා. මොකද විද්‍යා ප්‍රබන්ධයක් ලිවීමේදී විද්යාත්ම නියමයන්ට අනුකූල වියයුතුයි.
ප්‍රසන්න, බොහොම ස්තුතියි.
ඉකොන්, නම චන්ද්‍ර සංචාරකයෝද? කියවලා තිබුනත් නම මතක නැහැ.
රසික. ඔව් ඒ කතාව නියමයි.
ඉල ඇදෙනවා .. ඔය පොත් ටික කොහොමහරි හොයාගෙන කියවන්න ඕන... චන්ද්‍ර අනගිරත්න නම මමත් අහල තිබ්බෙ පරිවර්තන වලින්.. හැබැයි එව්වා වල මේ තරම් ගතියක් සාර්ථකත්වයක් තිබ්බෙ නෑ තමා....
ReplyDeleteඑකතුකරගන්න වටිනවා ඔය නරලොව හොල්මන් පොත් සෙට් එක.
Deleteචන්ද්‍ර අනගිරත්න මහතාගේ, 'නරලොව හොල්මන් ලිපි වල තිබූ කවියක්
ReplyDeleteගනිං බෝතලේ
යමං මාතලේ
යකාට ගියදෙන්
ටයිම් ්ට්බලේ
හිහ් හී.......කෝච්චි කතාවක් නේද?
Deleteමෙයාගේ කතා කියවද්දී හිනා ඉස්පොල්ලේ යනවා. මම 10 11 වසර වල ඉන්නකොට (2008/2009) අපේ ඉස්කෝලේ පුස්ථකාලෙට ලැබුනා "රණවිරුවා" කියල සඟරාවක්. ඒ ටික තවම ඇති මම හිතන්නේ. ඒ සඟරා වල හැම එකකම නරලොව හොල්මන් 2 පොතෙන් ගත්ත කතාවක් තිබ්බා. "සම්බෝලයක් සාදාගන්නා අයුරු, මරණ දැන්වීමක්" කියන කතා දෙක මට හොඳට මතකයි. ටික දවසකට උඩ දී මට මෙයින් කතා කිහිපයක pdf සංස්කරණයක් ලැබුනා. මම ඒක ෆේස්බුක් එකෙන් එවන්නම්.
ReplyDeleteඔය චන්ද්‍ර අනගිරත්න (ඩීමන් ආනන්ද) කියන්නේ ශ්‍රී ලංකා දුම්රිය දෙපාර්තමේන්තුවේ ස්ථානාධිපති කෙනෙක්. මම හිතන්නේ එහෙම වැඩ කරන කාලේ ඔය රේල්ලුව ගැන කොහේ හරි සඳහන් කරපු කවි දෙකක් තිබ්බා මතක හැටියට මෙන්න මේ වගේ-
පුංචි කෝච්චිය යයි හරි වේගෙන්
එක පැයකට එක හැතැම්මේ වේගෙන්
කොල්ලයි කෙල්ලයි නැග්ගම කොටුවෙන්
දරුවෙක් බිහිවෙයි ඔපනායකින්.
රතු කොඩි කොළ කොඩි ගාඩ් වනන්නේ
අනේ මුන්ට මොන දේශපාලනේ
ගනිං බෝතලේ යමං මාතලේ
යකාට ගියදෙන් ටයිම් ටෙබලේ..
ඩීමන් ආනන්ද මෙතැනට අදාල නැත.
Deleteඅනගිරත්න සීඒඑස් නේද?
අගහරුවෝ උඩ කවිය ලිව්වේ බොරලැස්ගමුවේ පී.බී අල්විස් පෙරේරා කවියා.
Deleteඒ වගේම චන්ද්‍ර අනගිරත්නත් ඩීමන් ආනන්දත් යනු එක් අයෙකු නොව පුද්ගලයන් දෙදෙනෙකි
අඟහරු, චන්ද්‍ර අනගිරත්න කියන්නෙයි, ඩීමන් ආනන්ද කියන්නෙයි දෙන්නෙක්. දීමන ආනන්ද රහස් පරීක්‍ෂක කතා වලට තමයි ප්‍රසිද්ධව හිටියේ. අපි පාසලේ සාමාන්‍ය පෙළ කරන කාලේ ඔහුගේ පොත් බොහොම ආසාවෙන් කියෙව්වා. ඔන්න ඩීමන් ආනන්දගේ පින්තූරයක් පහළින් දානවා.
Delete[im#]https://pbs.twimg.com/media/BrryFYjCYAAI1jP.jpg[/im]
ඔන්න චන්ද්‍ර අනගිරත්නගේ විස්තරයක් පහළින් දානවා
[im#]http://postimg.org/image/oak96r0f5/[/im]
@ රසික. ඔව් ඔහු පරිපාලන සේවයේ කෙනෙක්.
@ සුදු පූසා. මමත් හරියටම දන්නේ නැහැ ඒ කවි පෙළ කාගේද කියලා. බොහොම ස්තුතියි.
චන්ද්‍ර අනගිරත්නගේ විස්තරය සහිත පින්තූරය වැටෙන්නේ නැහැ වගේ. මෙන්න විස්තරය.
Deleteඔහු පේරාදෙණිය විශ්ව විද්‍යාලයෙන් සමාජ විද්‍යාව පිළිබඳව ගෞරව උපාධියක් ලබා ඇත. ඔහු කෘෂිකර්ම දෙපාර්තමේන්තුව, ජාතික කිරි මණ්ඩලය, දුම්රිය දෙපාර්තමේන්තුව, යන ආයතනවල සේවයෙන් පසු, 1971 කැරැල්ලෙන් පසු කෑගලු දිස්ත්‍රික්කයේ පුනරුත්ථාපන නිලධාරි ලෙස සේවය කර ඇත. ඉන්පසු, කොළඹ ඇමරිකානු තානාපති කාර්යාලයේ දේශපාලන සහකාර ලෙස කටයුතු කළේය. ඉන් අනතුරුව, ඩෙන්මාර්ක් ජාත්‍යන්තර සංවර්ධන ආයතනයේ සමාජ මානව විද්‍යාඥයකු ලෙස කටයුතු කළේය. වෘත්තීය ජීවිතයෙන් විශ්‍රාම ගැනීමට පෙර ඔහු මහනුවර මූලික අධ්‍යාපන ආයතනයේ ප්‍රවෘත්ති නිලධාරි ලෙස සේවය කළේය.
ඔය කවි පෙල ලීවේ චන්ද්‍ර අනගිරත්න, රිවිරැස කොළමට. (රිවිදින ද විය හැකියි!)
Deleteමා කියවූයේ නවීන ගජබින්නාලංකාරය නමින් ඒ ලිපි එකතු කර ප්‍රකාශනය කළ පොතෙන්. ඒ පොතේ තමයි, නයා, වයිෆ් ස්ට්‍රයික්, බණ ඇසීම, මනාලියක් බැලීමට යාම වගේ කතා තිබුණේ.
එහි තිබුණු තව කවි පන්තියක් තමයි-
නාඹර විය මට ඉඟි බිඟි පෑවා
මූණ පුරා මගෙ රැවුලක් ආවා
කියාල ඇරබෙන සුපරි සෙට් එක.
ස්තුතියි හැමෝටම!
Deleteනියම හාස්‍ය ප්‍රබන්ධකයෙක් අනගිරත්න මහත්තයා
ReplyDeleteජයවේ විචාරක තුමා
අනගිරත්න ඇත්තටම අනගි රත්නයක්.
Deleteමේක පට්ටනේ........
ReplyDeleteඅනගිරත්න මහතාගේ පට්ට ගැලවෙන්න ඇති මේවා ලියන්න ගිහිල්ලා හිටං
Deleteමං ඔය නරලොව හොල්මන් පොත් සෙට් එකම කියෙව්වා! ගමේ පබ්ලික් ලයිබ්‍රියේ තමා තිබ්බේ. මාර කට්ටක් කන්න ඕනේ හොයා ගන්න. මොකෝ මොකෙක් හරි දැක්ක ගමන් අරං යනවා
ReplyDeleteහරියටම හරි නාඩියෝ සමහර පුස්තකාල වලින් ඔය පොත් උස්සලා තිබුනා. ඒකෙන්ම පේනවා ඒ පොත් කොච්චර ජනප්‍රියද කියලා.
Deleteමා කැමතිම අනගිරත්න කතා.
ReplyDeleteමනමාලි බලන්න යෑම්
බණ ඇසීම
මුදලාලු ගේ ගෙදරට ආ නයා
වයිෆ් ස්ට්‍ර්‍යික්
මේ නඩු කතාව මට නම් රස හීනයි.
මේ නඩු කතාව තෝරාගත්තේ මේ දවස්වල අපේ සමාජයේ ඔය මාතෘකාව ගැන කියවෙන නිසා. ඔබ කියා තිබෙන කතා මැරෙන්න හිනායන බොහොම ලස්සන කතා.
Deleteරිවිදින ---> රිවිරැස වූ හැටි මා දැන සිටියේ නෑ.
ReplyDeleteමට සිහිවෙන්නේ ඇතා, වඳුරා සහ කුරුල්ලා ගේ බණ කතාව.. !!!
කුරුල්ලා කිව්වේ වටුවා නේද ඒ කතාවේ? හිහ් හී...................මම තමයි වටුවා.
Deleteමමත් දැක්කා ඡොකා ගහලා ගගක් අයිනේ බාබකිව් දාන එකෙක්..
ReplyDeleteඅහුවෙයන්කෝ මම උඹට උඹේ සොසේජස් වලින්ම කවන්න.
Deleteචන්ද්‍ර අනගිරත්න ගේ කතා මමනම් කියවල තියෙනවා සැහෙන්න , උත්ප්‍රාසය වෑහෙන කතා
ReplyDeleteඔහු ලිව්වේ පොදු මහජනතාවගේ රුචිය සඳහා. මහා ප්‍රාඥයන් සඳහා නෙවෙයි.
Deleteමම එත් හිතුවා විචාරක තුමා හොල්මන් සීන් එකක් වත් කියන්න යනවද කියලා, එත් අපුරු මනුස්සයෙක් ගන්නේ කියලා තියෙන්නේ, මට නම් එතුමා අගන්තුකයි, පොත් අරන් බලන්න ඕනා. ඔබ තුමා දුන් කතාවෙන් එතුමා සමාජ ක්‍රමය සියුම් ලෙස ප්‍රහසනයට ලක්කර විවේචනය කරන විදිය අපුරුයි, හැබැයි ඒ එතුමත් ඒ මද වලේම කොටසක් කියන එක කියලා, සුද්දවන්තයෙක් වෙන්න ගිහින් නැහැ. ඒ නිසාම එතුමාව අගය කල යුතුයි.
ReplyDeleteඔව් සොමී, ඔහු අපූරු ලේඛකයෙක්. ඔය නරලොව හොල්මන් කතා මාලාවෙන් එක පොතක් හොයාගෙන බලන්නකෝ. හිනායනවා මැරෙන්න. නමුත් අපි හිනාවෙන්නේ අපිටම නේද කියලා පස්සේ හිතෙනවා.
Deleteමම හරිම කැමති ලිපි පෙළක් අනගිරත්නගේ කොලම .
ReplyDeleteඒ කාලේ පත්තරේ ගත්ත ගමන් බොහෝ දෙනෙක් බලන්නේ නරලොව හොල්මන් කොලම.
Deleteලංකාවට ආවම පොත් සෙට් එකම හොයා ගන්න උත්සහයක් දෙන්න ඕනා.... ස්තූති විචා මාමේ
ReplyDeleteමේ පොත් සෙට් එකේ ප්‍රකාශකයා දයාවංශ ජයකොඩි සහ සමාගම. එතනින් ඔහාට පොත් ගෙන්නගන්න පුළුවන් වෙයි. මෙන්න එයාලගේ වෙබ් සයිට් එක.
Deletehttp://dayawansajayakody.com/
විචාරක මහතා: http://nelumyaya.com/?p=4573
ReplyDeleteමේ සම්මානය හැටියට ලබා දෙන්නේ පොත්පත්. ඔබ සම්මානය අගය කරාවී යයි කියා හිතනවා.ඊමේලය : editor@nelumyaya.com
බොහොම ස්තුතියි අජිත්. මම ක්‍රියාකරන්නම්.
Deleteවිචාරකට ලැබෙන්ටම ඕනි සම්මානයක්...සුබ පැතුම්... :)
Deleteඑළ!
Deleteගන්න අර ළඟ නැති අනගිරත්න ගේ පොත.
නරලොව හොල්මන් කියනකොට මම හිතුවේ වෙන දෙයක්. හැබැයි විචාරක දාලා තියෙන එයාගේ කතාව නම් එච්චරම ලස්සන නෑ වගේ.
ReplyDeleteඑයා 'ඩ්‍රැකියුලා' පරිවර්තනය කලාද?
නරලොව හොල්මන් කියනකොට හිතුනේ මගේ ජීවිත කතාව ලියන්න යනවා කියලද?
Deleteඔව් මේ කතාව රසවත් මදි. මේක මම තෝරගත්තේ මේ දවස්වල අපේ රටේ නීතිය, පොලීසිය, අධිකරණය, මහජනතාවගේ මූලික අයිතිවාසිකම් ගැන මාධ්‍ය මගින් බොහොම දිගට සාකච්ඡා කරන නිසා.
ඔව් ඔව් අනගිරත්න මහතා ඩ්‍රැකියුලා පරිවර්තනය කළා. මේ ලිපියේ මම පින්තූරයක් ලෙස දාලා තියනවා එතුමා රචනා කළ/පරිවර්තනය කල පොත් ලැයිස්තුව.
අර දාල තියෙන පොත් ගොඩෙන් කියවල නැත්තේ පොත් දෙක තුනක් විතරයි. එත් නරලොව හොල්මන් කියල පොතක් ගැන මට නම් මතකයක් නැහැ. මෙච්චර පොත් කියවන මට එක මග ඇරුනේ කොහොමද කියල හිතාගන්නත් බැහැ අප්පා..... :(
ReplyDeleteඔහොම පොත් මගහැරෙන අවස්ථා තියනවා. සමහරවිට ප්‍රචාරය මදිනිසා දැනගන්න ලැබෙන්නේ නැහැ.
Deleteඅර ලැයිස්තුවේ පොත් ඔක්කොම වගේ කියවන්න ලැබීම ලොකු වාසනාවක්.
මමත් මෙතුමාගේ පොත් ගොඩක් ආසාවෙන් කියවල තියෙනවා...
ReplyDeleteපරිවර්තන සාර්ථක නැති බව තමයි මගෙත් මතය...
නෙළුම්යාය තෑග්ග ලැබීම ගැන සුභ පතනවා...
ඔව් ඔහුගේ පරිවර්තන එතරම් ජනප්‍රිය වුණායැයි කීමට අපහසුයි. නමුත් හාස්‍යෝත්පාදනය අතින් ඔහුගේ නිර්මාණ බොහොම ඉහළයි.
Deleteබොහොම ස්තුතියි ඔබේ සුබ පැතුමට.
විචාරක , ඔබතුමා කියවල තියෙනවද "ගජබින්නාලංකාරය " මම මීට අවුරුදු විසි පහකට විතර කලින් කියවල තියෙනවා.. ආයෙත් කියවන්න හිතාගෙන හෙව්වට කොහෙන්වත් හොයාගන්න ලැබුනේ නැහැ. කොතන හරි තියෙනවද හොයාගන්න.. චන්ද්‍ර අනගිරත්නගේ රචනා ශයිලිය ගජබින්නාලංකාරය ට ලඟයි කියල මට ඒ කාලෙම හිතුනා. එත් පළමුවර කියවීමෙන් පසුව ගජබින්නාලංකාරය මට හොයාගන්න බැරිවුනා..
ReplyDeleteගජබින්නාලන්කාරය මා කියවා තිබෙන නමුත් සියල්ල මතක නැහැ. එහි සමහර කොටස් දැන් අපි කියන sex comedy වර්ගයේ ඒවාට ලඟයි නේද? මම හිතන්නේ එය ලිව්වේ සරත්චන්ද්‍ර පත්තඬුවන කියලයි.
Deleteමේ ළඟදී මම ලංකාවේ සුප්‍රසිද්ධ පොත් සාප්පුවකට ගිහින් එහි සිටින වෙළඳ සේවක සේවිකාවන්ගේ සිට කලමනාකාරු දක්වා ඔක්කොගෙන්ම විමසුවා, චන්ද්‍ර අනගිරත්න ගේ හෝ සිසිරකුමාර මාණික්කආරච්චිගේ පොත් තියනවාද කියා. ඔවුන් සියලු දෙනාම ඒ ලේඛකයන් ගැන මොකුත්ම දැන සිටියේ නැහැ. ඔන්න ඕකයි තත්වය.
චන්ද්‍ර අනගිරත්නගේ පින්තූරෙත් හොල්මනක් වගේ ඒක හරියට ඔලුව ගලවලා ආපසු සවිකරලා වගේ
ReplyDelete